Gobierno a anuncia por medio di Minister di Finanza Xiomara Ruiz Maduro, a anuncia un cambio den e ultimo fecha di pago di impuesto di vehiculo. E fecha tabata poni pa dia 31 di januari, pero den conferencia di prensa dialuna mainta, e mandatario a anuncia cu ta cambia esaki pa dia 28 di februari. E di dos pago ta vence dia prome di juli.
Tabatin hopi critica pasobra e fecha ta cay hopi preta pa hopi ciudadano, y Gobierno finalmente a dicidi di cambia e fecha di e prome pago. Tabatin hopi critica tambe pa e hecho cu ta exigi di e ciudadano pa paga pa dia 31 di januari, manera ley ta prescribi mientras cu e plachi number mes ta keda entrega den luna di maart. E mandatario a splica cu a haci e bestelling laat, debi na e aspecto presupuestario ya cu mester a pidi placa extra cu DIMP mester pa trabou.
Den e operacion di corta, debi na presion di Caft, a causa cu a corta un tiki di mas y despues mester a pidi placa extra pa haci e bestelling. Tur esaki debi na e presion di supervision financiero.
E bestelling ta cla, e mandatario a bisa, y e plachinan ta na caminda caba. Solamente nan mester yega Aruba.
