Ta investigando ken por a causa daño grandi na Scol Cacique Macuarima

1906

Dialuna mainta a cuminsa scur pa e alumnonan di Scol Cacique Macuarima. Un candela feroz a practicamente caba cu un klas completo y causa daño na diferente klas.Paden un klas a keda totalmente carbonisa y tin un investigacion a cuminsa di parti di cuerpo tecnico di Cuerpo Policial. Nan ta haciendo investigacion di klas pa klas pa saca afo kico por a pasa y coy e evidencianan necesario pa pone man riba esnan responsabel di e candela feroz cu a caba cu diferente klas na scol Cacique Macuarima.

Representantenan di SKOA, como tambe e cabesante di scol tabata na e sitio. Rachelle Croes-Caster, cabesante di e scol, a conta cu algo pasa di 12’or di marduga, un colega cu ta biba den bisindario, a puntr’e si e sa si e scol tabata na candela. Den algun minuut e cabesante tabata na scol y a tuma nota di e candela cu tabata andando den klas 6B y 5B, segun e hala indica.

E ta sigui splica cu nan a sospecha algo malo. E colega di 5B tabata na scol e dia prome te banda di 4’or di atardi, y a laga su klas den estado perfecto y pa marduga ta informa di e candela.Den su klas tabata tin diferente palabranan ofensivo, loke no tabata tin y a laga mensah’e pa e docente,  skirbi.

Esey ta duna indicacion pa bay pensa riba vandalismo y principalmente mirando unda e candela tabata, den un cashi cu tabata na candal, cual probablemente lo tabata e origen. Esey tabata den e prome klas. Segun e cabesante tin cuater local cu a sufri daño, un mas cu e otro. No por uza nan, principalmente e parti di coriente cu a cay afo, sin conta e sistema di awa.

Kico ta bay sosode awo

Croes-Caster a splica cu nan ta tristo pero tambe motiva pa lanta di nobo. Nan tin mayornan para nan tras, comerciante, demas coleganan,  cabesante y e dunado di trabao, cual ta SKOA, cu di marduga t’ey pendiente di e situacion.

Scol ta plat

Pa aworaki e scol ta plat, mirando e situacion di coriente. A warda DTI pa bin haci opname y tambe instalado di Elmar pa mira kico por haci pa reanuda lesnan mas pronto posibel pa e muchanan.

Investigacion andando pa candela intencional:Cuater klas di Cacique Macuarima a sufri daño

Posted by 24ora on Monday, January 13, 2020

Muchanan cu problema?

Croes-Caster no ta sinti cu un of otro alumno por tin problema. E klasnan cu nan tin na scol, ta klasnan cu ta traha masha bon cu nan. Muchanan no ta problematico y ta stima e scol. Esey ta un sentimento  cu nan tin na e scol.E no por pensa den direccion di alumnonan of ex alumnonan di e scol. Den e añanan cu e tin como cabesante, algo asina no a yega di sosode of a yega di drenta e scol.

Mensahe 

E cabesante ta pidi eyfo, en particular nos hobennan, yuda cuida enseñansa, cuida e scolnan. Enseñansa ta un regalo precioso na Aruba. E schoolgeld cu ta paga na comienso ta net nada compara cu paisnan afo. Ta un privilegio cu nan tin cu nan ta haya tur esaki pa nan disponibel. Yuda cuida e scolnan y tambe ta pidi esnan eyfo cu por yuda e scol pa por yega bek na drech’e, duna un man caminda cu por y si bati na bo porta, tambe.

Con pa yega na e scol

Pa tuma contacto cu scol por yama 5858037. Tambe via Facebook, cu manda mensahe por haya esakinan directamente.

Lo tene e mayornan na altura pa nan por ta pendiente pa mira ki dia e muchanan por bolbe scol. Mester ta sigur cu tur cos ta safe pa nan. Pa e scol, siguridad pa e muchanan ta na prome luga. Asina cu nan sinti cu tur cos ta cla, por wak ki dia nan por bolbe.

Candela na Cacique Macuarima School

Candela na Cacique Macuarima SchoolClick link pa mas: https://24ora.news/2shQ8d6

Posted by 24ora on Sunday, January 12, 2020

SKOA

Anouska Baly, directora di SKOA tabata t’ey presente na e scol y nan ta brinda nan sosten. Esaki ta prome biaha cu nan mes ta pasa den algo asina. Esey no ta kita cu nan no ta atende manera debe ser.

For di marduga caba nan tabata tin contacto cu e cabesante, bisando cu nan ta cera e scol, pa mira kico ta e dañonan causa na e localnan. Unabes haci, tambe a tuma contacto cu Directie Onderwijs, esta e Inspector General pa pone na altura cu pa e siman aki e alumnonan lo ta na cas, te ora cu haya un solucion y tambe a pidi e maestronan, caminda cu por, pa duna un man. Esaki ta algo cu ta haci un hende hopi dolor, pero ta keda motiva pasobra kier pa e scol bay p’adilanti. A pidi pa tuma contacto cu e mayornan y pa caminda cu por, pa por duna les pa e muchanan na cas pa nan no perde esaki.

Di parti di gobierno, Baly tabata tin contacto cu prome minister, kende a laga sa cu caminda cu por e ta cla pa yuda. Baly a bin pa mira kico ta kico y sondea pa traha un plan pa mira con por resolve esaki a corto plaso y rapidamente.

Con facil e lo ta

E daño ta hopi. E plan cu tin ta en todo caso pa loke ta e cuater klasnan cu a sufri hopi daño, ta bay mira den e otro scolnan den vecindario unda cu por pone e muchanan temporalmente, te ora cu por cuminsa traha. DOW a bin tuma nota di kico ta e daño pa loke ta e edificio. Baly ta di opinion, cu unabes esaki ta cla, ta cuminsa di biaha. No por warda pa esaki kibra e docentenan y tampoco kibra e muchanan.Con cu bay bin ta nan scol y nan loke kier bin bek scol.

Daño ta hopi

Awor aki mester full un klas nobo. Den e parti aki , por mira na e otro scolnan si tin material extra, caminda cu por, pa por sea copia, of algo otro, pa e lesnan por sigui. E no lo ta perfecto, pero mester cuminsa un caminda.”Nos a cay na rudia, pero nos no a cay plat,” Baly a menciona. Ta algo lamentabel, pero mester sigui p’adilanti.