Diasabra ultimo, boxeadornan di Baas Sports y Immartial – Athlete Centre, a forma parti na un evento boxistico amateur na Aruba.
E delegacion di boxeo a consisti di 4 perosna, unda cu Ginuwine Kwidama (Baas Sports) y Robin Housen tabata e co-main y main event durante di e evento anual di Koning van Oranje.
Despues di 7 partido local, Kwidama tabata e prome na beurt pa representa Corsou. 
Kwidama tabata sa di domina su contrincante Mark Campbell, den tres buelta y a sa di gana e pelea. “Kwidama ta hopi bon bezig, solamente nos a wordo avisa di e jab drechi duro di e contrincante. Esey ta loke nos tabata sa y a anticipa esaki hopi bon,” segun trainer Edwin Baas. Despues di Kwidama, Housen tabata na beurt pa subi ring como e main event contra un contrincante mas experencia. Housen a mehora su ritmo cada biaha durante di e pelea. 
Esaki a resulta den 2x knockdown di Housen contra su contrincante (Alrick Tromp). Lamentablemente su contrincante no a wordo descarta y simplemente no tabata suficiente pa Robin obtene su victoria contra dje. “Robin tabata net net algo menos pa e por a gana. Esey tabata nos metanan mas importante, apesr di e resultado di e pelea aki,” segun trainer Gideon Jonker di IMMARTIAL – Athlete Centre. CuraBox un biaha mas lo organisa un evento di pelea amateur dia 1 di Juni na Corsou den e Salaris Niels Liberia, unda cu mas bringado di Corsou lo bay participa.
