E no ta sosode un biaha pa siman, sino ta bayendo na un nivel di un caso registra pa dia! Esey tin Hospital, dokternan y henter e mundo di sosten na muchanan sumamente preocupa.
Awe nos a sali caya puntra pueblo kico nan ta pensa, kico nan ta mira como solucion. Cada ken tabata tin nan mesun opinion y sugerencia con preveni e tendencia negativo aki den nos comundidad.
Man duro
Un solucion ta cu mester pone man duro riba e tera, tabata comentario di Luis Jimenez. Por a ripara cu tin hopi tempo cu problema di mucha y nan no ta haci nada. Su opinion ta cu nan tin cu pone un man duro riba esaki.
Gobierno tin cu saca un resolucion riba con nan tin cu haci den caso di e famia, pasobra e problema ta critico. Por a ripara cu tin hopi problema di mucha y nan no ta haci nada.
Mas control
Un otro ciudadano a splica cu mester tin mas control riba e tipo di cuidado cu e muchanan tin, cu ken ta laga e muchanan y tin hopi pareha hoben cu ta busca pareha cu nan no conoce mucho bon y ta laga nan na libertad di e persona straño aki cuida nan yiu. Y si nan maltrat’e, nan tambe ta keda keto y no ta bay polis, no ta bay na e instancianan corespondiente pa haci e reclamonan aki, segun Iris Brito. Husticia no tin man duro cu e personanan aki. Nan no ta inhuicianan manera debe ser.
Hopi mas atencion sigur mester riba e fenomeno aki y mas castigo pisa pa esnan cu ta envolvi den tipo di cosnan asina, tabata un otro comentario. Y asina hopi mas hende a opina cu tipo di cosnan aki no ta bon.
Aruba sigur ta contra di abuso di mucha y ta spera cu mas pronto posibel por soluciona casonan di e magnitud aki. Cu abuso di mucha sigur, bo a daña e felicidad di un mucha y esey ta condenabel.
