Colegio Bon Bini a haya su Gazebo y den un ceremonia cortico, minister di Infrastructura, Benny Sevinger a pase over pa e scol. Den cuadro di Aruba Doet Infrateam a wordo acerca door di e scol pa haci un donacion di material pa traha un Gazebo. E ora a puntra kico ta e intencion con e Gazebo ta wordo traha y a bisa cu a haya un tekening cu di biaha infrateam a bisa cu no por haci un donacion pa traha e Gazebo eynan. E minister ta sigui conta cu a prefera pa nan mes traha e Gazebo y nan mes contribui cu e material tambe. Tur aña ta purba di yuda un caminda y infrateam ta purba di haci su best pa haci algo cu ta necesario y haci’e bon. Den e cuadro aki a busca tambe sponsor cu a paga pa tur e materialnan aki y tambe ta gradici nan cu ta coopera pa contribui cu esaki y ta gradici Bon Bini pa duna e oportunidad pa traha e Gazebo aki cu a trah’e cu hopi placer, hopi contento cu tur hende a participa un mas cu otro. Cada hende cu pone un granito, ta logra.
Manera cu e cantica ta bisa, Soñonan ta bira realidad y ta esey tin cu sigui haci. Tin cu sigui soña pa nan bira realidad. Den e caso di e muchanan di scol basico, nan soño sigur lo bira realidad. Esaki ta un soño pa e scol, pero cada un su soño personal, lo bira realidad si pone como meta cu bo ta bay realisa bo soñonan. Esaki no tin ningun hende pa strobabo den dje. Bo tin cu traha riba bo soño pa esaki bira realidad.
E Gazebo cu hopi amor ta pase over pa e scol oficialmente. A trah’e simplemente pasobra ta gustra traha y yuda y no a spera e gradicimento aki, pero un biaha mas, di curason, den nomber di Infrateam y tur cu a traha riba e Gazebo, e minister a gradici pa e dia special aki y lo tin’e den nan pensamento semper cu lo sigui traha den futuro y cu nan ta corda e dia aki cu Bon Bini a duna un danki special.
E minister a agrega cu Minister di Enseñansa a sinta cu Infrateam y a repasa diferente proyecto di scol cu a wordo renoba, diferente proyecto di scol cu ta bay wordo renoba y a traha tambe un plan pa asfalta diferente di e speelplaatsnan. Lista di prioridad pa e minister di enseñansa ta, ta Bon Bini y ta St. Franciscus College. Tin tur dos scol riba e lista. DOW a haci un schedule cu tin cu bay papia riba dje. Pero tur dos scol, tanto Bon Bini como st. Franciscus College, lo bay haya un asfalt den e dianan padilanti.
No ta conta solamente cu un Gazebo pero full e speelplaats lo wordo asfalta caminda nan lo tin un caminda pa hunga. Por ta den futuro lo papia riba renobacion di scol, pero lo papia esaki cu minister di enseñansa, kende ta esun cu ta pone e fondonan y despues di haci e trabao.
E minister a gradici e cabesante, sra. Tsu, tur e docentenan pa e pasenshi cu e muchanan. Minister Sevinger mes tin e experiencia cu su yiunan, kendenan a bay scol eynan. E pasenshi ta grandi. Hopi pasenshi y forsa pa e trabao. Nan ta haci un trabao di lanta nos hobennan pa e futuro generacion y esey sigur di parti di Gobierno, minister Sevinger ta contento y gradicido pa e trabao cu e docentenan ta haci pa e hobennan.
