Crisis Team ta informa cu RIVM a identifica 29 caso mas di e variante di Reino Uni y e prome caso di e variante di Brasil presente na Aruba.
Manera ta conoci ta manda testnan positivo di Aruba tur siman Hulanda pa analisa. Diabierna ultimo e total di casonan di e variante di Reino Uni tabata na 21 y awo cu 29 caso mas e total a bira 50.
Segun RIVM ta analisa mas lote di test por identifica mas variante. Un mensahe ta bay na comunidad pa sea extra cauteloso y sigui cumpli firmemente cu e reglanan di distanciamente fisico y social, uzo di tapaboca y laba man frecuentemente.
E variantenan aki ta mas agresivo y ta acelera e proceso di infeccion cu por causa problemanan serio di salud y compromete e capacidad di cuido na Hospital. Durante e ultimo luna por a mira un reduccion di casonan activo.
Sinembargo si no sigui cumpli casonan ta bolbe aumenta.