Segun resumen di Departamento di Salubridad Publico (DVG) di awe, diasabra, 6 di maart, un total di 15 persona a recupera. A registra un total di 35 caso nobo di COVID-19, di cual 3 ta no-residente.
E cantidad total di e testnan ehecuta diabierna na e diferente localidadnan na Aruba, entre otro na laboratorio di hospital, laboratorionan priva y aeropuerto ta 771 test. “Positivity rate” entre residentenan ta 29%.
Casonan activo pa awe diasabra, ta 202, cantidad di fayecido relaciona cu e virus ta 76. Hospital ta informa cu tin un total di 23 persona interna di cual 9 ta den Cuido Intensivo y 14 riba unidad general di COVID.
Edad promedio di esnan ingresa pa extra cuido ta 63 aña. E peticion ta keda pa keda mantene distancia social, laba man frecuentemente cu awa y habon y si esey no ta disponibel, uza handsanitizer. Tambe ta importante pa uza tapaboca unda cu bo bay. Esaki ta pa yuda preveni plamamento di coronavirus.
