Chain Logistics tin un servicio importante cu hopi hende sa di dje, pero tin cu no sa ainda. Esaki ta un entrega di porta pa porta.
Si bo tin algo pa manda afo, entre otro Venezuela, bo ta pasa na Chain Logistics, pega cu Wendy’s na Boulevard na Turbo Rotonde. Nan ta yudabo pa bo pakete yega den porta di e persona cu bo kier entrega na Venezuela.
Liza Petronia, ta un di e personanan cu ta traha cu Conviasa y a conta riba e servicio aki.
Awor aki nan ta bezig cun’e. Nan ta manda di Aruba pa Venezuela. Tin 23 destino unda cu bo pakete por yega te na cas cerca e persona.
E por ta tiki fastioso pa manda cierto pakinan afo. Awo a cuminsa cu e servicio aki pa manda carga di Aruba te cu na Venezuela.
Con lihe e ta yega
Ta algo cu Chain Logistics ta moviendo mesora. Asina cu entrega e pakete na oficina di Chain Logistics. Por haci’e tambe na Rumbastraat y tambe na aeropuerto, na Cargo Building. Si ta desea caha, tambe tin disponibel y tambe por manda esaki di biaha.
Demanda
Sigur sigur tin un demanda grandi. Tin basta tempo caba ta bezig cun’e. Awor aki a keda full cla. Por pasa na oficina di Chain Logistics. Si kier mas informacion riba prijs, etc, yega na Chain Logistics y ta duna mas informacion tocante esaki tambe.
Avion
Awor aki Conviasa ta saliendo riba diaranson y diabierna cu e carga. Despues di eynan e paketenan ta bay tur parti di Venezuela. Esey ta e servicio di door to door. Tin 23 destino cu ta yega te na e persona su cas.
Carga
Petronia a mustra cu por manda tur tipo di carga como tambe documento. Si tin hende kier manda cos pa Aruba, tambe nan por mand’e. Nan ta bay oficina di Conviasa y nan ta manda e carga pa Aruba.
Servicio
Aruba en todo caso, ta trahando tur dia. Nan ta habri riba dialuna pa diabierna y diasabra tambe oficina riba Boulevard ta full habri. E oficina ta net banda di Cinabon.
