Aruba Softball Bond por a tuma nota di un movecion di Rockets Organisation di Sta Cruz pa cu atletanan hoben femenino. Despues cu den luna di December a hasi 2 opendag a ricibi bastante inschrijving y hobennan cu interes pa practica softball. Fano Croes e motor tras di esaki a comenta Aruba Softball Bond cu e intension ta pa fortifica e deporte di softball y kier traha fuerte den area di Sta Cruz y vicindario. Desde Januari 2019 a inicia cu un grupo di hoben femenino di edad 10 te cu 16 aña unda tur diamars y diahuebs atardi ta train na School di Macuarima den sala di 530 pa 630 pm y tur diasabra riba veld di Rockets na Sta Cruz. Tin un averahe di 24 atleta den e edad ariba menciona ta acudiendo y mester bisa di ta contento cu e mayoornan ta impuha nan juinan pa practika deporte y hopi contento pa mira e interes grandi den Sta Cruz y vicindario pa cu e deporte di softball. Esaki ta inicio pa fortifica Rockets Organisation cu un hala femenino di softball. Tin espacio pa sigui crese y na tur mayoornan di Sta Cruz y region cu ta interesa pa mas informacion por tuma contacto libremente cu Nachma Kock na 5943202 of Milly Kock na 5940176. Si bo jui tin entre 10 y 16 aña y ta desea pa e por siña hunga softball y forma parti di un equipo tuma contacto libremente cu nos pa mas informacion.
