Representantenan di Club Kibrahacha 60+ tabatin e oportunidad pa bishita formado mr. Evelyn Wever-Croes, unda cu nan a trece nan pensamento dilanti.
Un di nan ta nan satisfaccion di por scucha cu Aruba lo bay haya un minister cu lo atende cu e cartera di adulto mayor.
Director di e fundacion, Jeffrey Matos a menciona cu esey lo ta un beneficio pa e grupo cu Kibrahacha ta sirbi y cu ta un iniciativa hopi positivo.
Fuera di esaki tambe nan a papia di diferente topico y proyecto cu e fundacion ta bezig cu ne, como tambe e trabaonan cu nan a bin ta realisa durante e ultimo temponan
Club Kibrahacha brindando un centro di actividad pa nos grandinan fo’i tur districto na Aruba, ta ofrece servicio di transporte y ultimamente a cuminsa traha cu diferente partner riba diferente tema, unda cu ta brinda momento di informacion y tambe riba e parti di tecnologia y diferente area caminda cu ta kere unda cu ta hopi importante pa nos grandinan.
Por ultimo Matos a remarca cu un punto importante cu e ministernan nobo tin cu tene cuenta cu ne, ta e necesidad y contacto social, evitando asina pa e grandinan cay den soledad.
Pa cobertura mas amplio lesa edicion di TREMPAN di mañan.
