E aña aki Club di dam Arowak ta organisa su torneo di Dia di Rey. E competencia lo ta hunga a base di sistema SIWA, unda e ganadonan lo ta topando otro.
E weganan lo tuma luga riba e siguiente fechanan:
· Diaranson awor (17 di april) e prome rond lo ta hunga pa 7:00 pm;
· Diaranson (24 di april), e segundo rond lo ta hunga pa 7:00 pm;
· Diabierna 26 di april pa 7:00pm ta hunta e di tres rond;
· Diadomingo 28 di april e ultimo dos rondnan cu lo ta hunga pa 10:00 am y 2:00 pm.
Tur e weganan lo ta hunga den nos club na Sunplaza 401-L (di 4 piso). Duracion di un partido lo ta 60 minuut pa banda cu un aumento di 30 seconde despues di cada zet (desde di e prome hugada). Anotacion di e weganan ta obligatorio. Pa e hungadonan nobo sin experiencia pa anota wega, esaki ta opcional.
Inscripcion ta gratis pa miembro di club
Pa e hungadonan nobo cu kier hunga solamente e torneo aki, inscripcion lo ta 10 florin. Si bo kier bira miembro di club, por participa na tur evenemento di club cu un contribucion di 110 florin pa aña cu mester ta paga prome cu fin di luna, of por paga 10 florin pa luna locual ta sali 120 florin pa aña. Si indica cu kier bira miembro, y paga prome cu fin di luna, ta cobra solamente un contribucion fee di 110 florin pa aña 2024.
Lo hunga un total di 5 rond riba e 2 diaransonnan, 1 diabierna y 1 diadomingo menciona aki riba. Sistema di wega lo ta sistema SWISA, unda e ganadonan ta topa otro.
Den caso di empate na final, punto di resistencia (weerstandspunten) y despues punto di SB, lo determina e ranking final di e hungadonan.
E prome 3 luganan ta haya un trofeo. Entregamento di premio lo ta despues di e ultimo wega diadomingo (28 April). Esaki lo ta rond di 5:00 pm.
Pa registra pa e torneo aki, por contact Mario Jansen na cel (whatsapp) 699-8245, of Octavio Croes (cel/whatsapp) 594-5590 of Ricardo Wever 592-6391. Por haci te cu diaranson, 17 di april, pa 6:00 pm.
Tur hungado di dam ta bon bini. Si bo no por anota wega, tambe bo ta bon bini. E hungadonan cu pa prome biaha ta participa na nos torneo y no por anota, ta liber pa anota.
