Impact Taekwondo Aruba bou guia di Monica Pimentel, Aruba su atleta Olimpico Rio 2016 a organisa examen pa faha cora y preto. Grand Master, Marilu de Veer, tabata e examinator di examen pa e cinco atletanan kende ta: Kianna Krosendijk, Isabella Bogevad, Deevah Loefstop, Anabella Fernandez y Ingomar Jacobs. Examen di faha cora ta un tiki mas suave cu esun di faha preto. E examen ta consisti di tecnica, forma “poomsee”,teoria, kibra palo, 1-step, self defence y sparring.
Kianna Krosendijk y Isabella Bogevad a haci examen pa faha cora, mientras cu Deevah Loefstop, Anabella Fernandez y Ingomar Jacobs a haci examen pa faha preto.
E examen a dura casi tres ora, mirando cu e atletanan mester a demonstra dilanti Master Marilu de Veer tur locual nan a siña for di nan Master Monica Pimentel durante e periodo di Covid.
