Mango Aruba tin su reapertura y e ta bou un maneho nobo, cu ta Grupo Bennu Aruba. Su portanan a habri unda tin coleccion nobo pa tanto hende muhe como hende homber. E empleadonan di Mango Aruba ta cla pa brinda mas opcion na local como turista.
Joanette Vrutaal, HR manager di Grupo Bennu Aruba, a indica cu e dia ta uno special pa nan pasobra a reapertura Mango Aruba bou nan maneho. Nan ta contento cu reapertura aki unda por brinda tanto local como turista mas opcion.
E orario ta manera e otro tiendanan, cu ta cay bou maneho di Grupo Bennu Aruba, y esaki ta 10:00 am te cu 7:00 pm di dialuna pa diasabra. Riba e dianan di fiesta Mango Aruba ta habri d 11:00 am te cu 5:00 pm.
Den e tienda por haya e coleccion mas nobo di Mango Internacional. Tin categoria di hende muhe como homber. N’e momentonan aki esaki ta e unico tienda di Mango y ta situa den Caya Grandi na e mesun edificio anteriormente. A habrie bek y asina e clientenan por disfruta di tur loke nan tin di ofrece.
Vrutaal ta felicita pueblo di Aruba cu e reapertura di Mango Aruba bou maneho di Grupo Bennu Aruba. Tambe ta invita un y tur pa disfruta tur loke Mango Aruba tin di ofrece, e pañanan ta bunita y e coleccionnan extendi, size extendi p’asina tanto homber como hende muhe por disfruta.
mr. Geoffrey Wever, Minister di Economia, ta hopi contento cu e reapertura di Mango Aruba. Tur a lanta cu e concepto di Mango na Aruba. Na momento cu a anuncia ceramento di Mango na fin di januari, e tabata un sla duro pa tur hende pero pa gobierno tambe. Sigur esaki tabata un sla duro p’e Minister di Economia, mirando cu e ta para pa desaroya centro di Oranjestad. Di mira cu un tienda asina importante y iconico ta cera su porta. Gobierno a keda naturalmente desapunta cu esaki.
Den cuadro di tres luna e grupo nobo Grupo Bennu a habri Mango bek. A habrie bek y esey ta haci gobierno contento. E mandatario conoce e Grupo Bennu, cu tin un presencia grandi na Aruba den retail. Nan ta representa diferente marca importante, ta conoce e mercado di Aruba. Sinembargo ta importante di mira un grupo asina cu ta invertiendo caba ‘heavenly’ den economia, den centro di Oranjestad ta dispuesto pa cuminsa cu un tienda nobo cu a cera.
Minister Wever ta kere esey ta un bon señal, pasobra ta mira di tin confiansa di esunnan cu tin placa y tin otro oportunidad di inversion. Pero ta scoge pa inverti bek den Oranjestad. Gobierno ta contento y ta desea nan exito. Ta spera cu e hendenan local sostene e comerciantenan, pasobra aki ta nos hendenan ta traha den e luganan aki.
Nan ta yuda desaroya centro di ciudad, kiermen nos tambe mester cumpra akinan. E mandatario ta haya cu si cada bes ta keda cumpra afo, nos mes no ta cumpra, no ta sostene comercio, e ora comercio mes tin mas desafio ainda.
Durante minister Wever su discurso y a menciona n’e doñonan di sa e parti di desafio, pero gobierno kier y lo sigui colabora cu nan. Gobierno kier yuda nan resolve e problemanan cu nan tin. E dia tabata uno di momento bunita, unda cu un tienda importante a habri su portanan bek.
“Nos ta sumamente honra y orguyoso di anuncia e reapertura di e tienda Mango den e caya principal di Oranjestad, Aruba. E milestone aki ta marca un avance importante den e sector comercial y contribuyente significativamente e aumento di oportunidad laboral riba e isla. Grupo Bennu, un empresa lider den e sector retail y distribucion di moda den e region, a inicia su operacion na Aruba den 2008 cu e apertura di su prome tienda di ALDO. Awo, despues di diesseis aña di dedicacion y esfuerso, nos a suma ocho tienda consolida como un referente di moda y estilo na Aruba, representando e marcanan internacional reconoci manera Zara, Parfois, Aldo y Kate Spade. Nos ta comprometi na nutri e crecemento profesional y enrikece e bida di comunidad Rubiano via e creacion di emplea y oportunidad unico”, Samir Ibrahim, director di Grupo Bennu, a bisa.
