Accidente riba e careteranan di Aruba ta continua y e biaha aki esaki a sosode net dilanti Marriott Surf Club. E accidente a sosode alrededor di 10:10 am y tabata entre dos taxi.
Taxi 103 color blanco tabata bin for di direccion South Beach y a slowdown completo p’asina lora na man robes pa baha turista na Marriott. N’e momento ey su tras tabata biniendo taxi 88 color cora. E taxista a purba di desvia tambe na man robes, pero a dal tras di taxi 103.
ForenSys a presenta n’e sitio pa documenta e accidente. Taxi 103 a ricibi daño material n’e parti patras. Taxi 88 a ricibi mas daño material n’e parti dilanti. Ningun persona a resulta herida den e accidente aki.
