Den un conferencia di prensa, Ronella Croes di ATA a informa cu a logra cera e luna di juni cu un total di 84.592 bishitante pa pais Aruba. Den comparacion cu aña 2019, esta e ultimo aña cu Aruba a conta cu un aña normal pa loke ta trata influxion di turismo, ta papia di un grado di recuperacion di 85%.
Asina tambe a informa tocante e cifranan pa cu e prome mita di aña 2021, den cual a conta cu 326.387 bishitante. Esaki ta un grado di recuperacion di 57% compara cu e prome mita di aña din 2019. Encuanto e desaroyonan premira pa e segundo mita di e aña 2021, pues a base di e cifranan di e prome mita di aña, tin un proyeccion di grado di recuperacion di 76% compara cu aña 2019.
Juni tabata e luna cu Aruba a habri bek pa turismo crucero, den cuadro di esaki a ricibi un total di 3 barco, treciendo un total di 1.580 turista crucero. Esaki ta 98% menos si compara esaki cu e luna di juni 2019. E proceso di recuperacion aki ta uno gradual.
Pa cobertura mas amplio, lesa e edicion di TREMPAN mañan.
