Chef, restaurateur, autor y activista jose Andres, a wordo nomina pa un premio Nobel di Paz, Washington Post ta confirma.
Andres y su World Central Kitchen, a haci mas cu cria e Mericanonan di Puerto Rico despues cu Horcan Maria a pasa riba e isla na September di 2017, mas cu cualkier otro gobierno of agencia no-gubernamental.
Bao di su direccion, e organisacion a surpasa fayonan di liderasco, burocracia, falta di ayudo financiero, corupcion y un casi completo falta di infrastructura pa sirbi miyones di cumidna cayente den ciudad, pueblo y areanan remoto di e isla.
Desde aña pasa, Andres y su team tambe a yuda cria e Mericanonan na Houston, Carolina’s, Hawai’i y California, respondiendo na cda desaster natural – for di horcan pa inundacion pa candela – cu urgencia.
“Oh, wow,” el a conta Washington Post ora cu a pidie pa comentario. “Nan ta nomina tur hende.” Y despues el a reitera pensamentonan cu el a comparti den pasado, con cuminda awo ta hunga un parti significante den politica, pa migracion y siguridad nacional pa salud publico y ley di labor.
“Na final”, el a bisa, “bo ta mira cu cuminda tur dia tin un impacto hopi mas grandi.” Andres a wordo nomina pa e galardon door di e Representante Democratico John Delaney di Maryland, kende skirbi esaki den su nominacion:
Debi cu e trabao di sr. Andres, miyones di persona a wordo alimenta. Esaki ta e necesidad humano di mas basico y sr. Andres a prueba di ta di clase mundial riba tereno esencial humanitario aki.
Cu un spirito increibel y un mente innovador, sr. Andres ta resolviendo un di e problemanan mas antiguo di mundo y suministra lidernan mundial cu un mapa nobo pa provee mas relevo di desaster efectivo den futuro.
Aunke tin por lo menos 300 nominado pa e Premio Nobel di Paz anualmente, solamente un ganado ta wordo scogi pa aña. E ganado pa 2019 lo wordo anuncia October proximo. E ganadonan anterior tai nclui Barack Obama, Kofi Annan, Shirin Ebadi y Nelson Mandela; ganadornan tin e tendencia di ta politico, diplomatico, abogado of dokter.
Si e gana, Andres lo ta e prome chef di ricibi e prestigioso premio aki, cu ta inclui un medaya di oro, diploma y un suma variabel di placa dicidi segun e fundacion, generalmente rond di $1 miyon.
Andres tambe a ricibi noticia di e nominacion aki riba Twitter, respondiendo na un tweet for di entrepeneur Ted Leonsis door di a bisa “si esaki ta berdad, mi ta honra p’e. Ami ta djis un hende mas entre miles di persona yudando otronan den necesidad, tur dia rond di mundo, ireconoci…”
