E constructor extraordinario di e arca, Johan Huibers, tin pensa di nabega su “copia di boto di Dios” for di Hulanda pa Israel, un replica di 2,500 ton.
Un obstaculo si nan tin cu supera. E nave di e carpinte Hulandes no tin motor, asina ta, e tin cu huur tugboats pa e por nabega.
Sinembargo, tugboats no ta nada barata y esaki lo costa e negoshante aki, kende a traha un fortuna den construi espacionan pa deposito, mas di $1.3 miyon na huur pa e biahe.
Varios aña pasa el a bisa di por logra nabega e nave aki di 95 pia di hancho, cu ta extende cu cinco piso y por mantene mas di 5000 pasahero pa Brazil.
Sinembargo, e plan aki no a concretisa.
Awo, e kier hiba e barco aki Israel, declarando su amor pa e estado Hudiu den un entrevista cu Jewish Telegraphic Agency, agregando cu “esaki ta copia di e barco di Dios. E tin sentido pa hib’e na e pais di Dios.”
“Mi stima e pais, mi stima e hendenan. Nan no ta obedece, nan ta haci loke nan kier, nan ta core manera loco y no ta tende di ningun hende. Nan ta mesun cos cumi.”
E tata aki a desaroya un gana fuerte pa traha e obra di arte aki, na luga di lesa un storia di dje na su yiunan riba un anochi na 1993.
Su casa, kende ta traha como un polis, inicialmente a hari’e y a bis’e una bes cu el a caba di trah’e, “awo nos por bay vakantie riba luna.”
Sinembargo, el a persisti y a completa su prome replica 13 aña despues.
Pero Huibers tabta desapunta cu e tabata “solamente mita di e size di esun den e Bijbel. Asina mi a bende esun mas chikito y a traha uno di e tamaño real.”
El a conta JTA cu pa e di dos proyecto, carpintenan amateur, cu no tin entrenamento, incluyendo un “carnicero, peliquero y un docente”, a join’e.
“Nos no ta trahadonan di boto profesional – hopi cos aki ta di dwars.”
Esey ta loke dicon e oficialnan na Krimpen aan de Ijsel no ta lag’e habri na bishitantenan te cu dia di awe, debi na preocupacionnan di siguridad publico.
Asina mes Huibers a conta JTA cu e barco ta sigur, sigura y ekipa cu ekiponan di paga candela.
E trahado di boto tambe a bisa cu e ta kere nos ta “bibando e fin di tur tempo” pero hendenan ainda no ta conciente di esey.
“Awa lo bin. For di sero, for di lama, atrabes di Alemania. E ta mustra manera fin di mundo, pero mi no tin miedo di dje,” el a agrega.
