Diamars 27 di october, entre 5:20 y 5:30 PM, un accidente di trafico a sosode dilanti di Wind Creek Resort, na bahada di e brug, den direccion di Parlamento. Segun informacion ricibi for di sitio, e accidente a involucra un brommer marca Ducati y un auto Nissan March. Como consecuencia di e accidente, chauffeur di e brommer a sufri golpi cu a haci necesario pa transport’e cu maximo urgencia pa hospital, pa ricibi atencion medico.
Na momento di e reportahe, no tabatin informacion adicional tocante gravedad exacto di su lesionnan ni su estado di salud. N’e sitio tabatin poco informacion disponibel tocante con e accidente a sosode. Tampoco no a keda estableci cua di e dos vehiculonan tabatin preferencia of kico exactamente a causa e impacto. E accidente a tuma luga den un area di trafico frecuenta den centro di Oranjestad, cerca di Wind Creek Resort y e caminda cu ta conduci pa Parlamento. Te asina leu, ta desconoci si otro e conductor a resulta herida durante e accidente.
