Biblioteca Nacional Aruba a presenta e buki “Rashi Kurashi ta haya curashi” como parti di e di 34 edicion di Festival di Buki pa Mucha 2026. E buki ta skirbi pa Daylan Krozendijk, ilustra pa e Hulandes Petra Heesen, y acompaña pa un cantica y videoclip produci pa John Francis Jacobs.
Segun e autor, e historia ta trata di Rashi Kurashi, un criatura special cu ta duna curashi na muchanan cu tin miedo pa subi riba tarima y presenta nan talento.
Directora di Biblioteca Nacional Aruba, Astrid Britten, a invita henter e comunidad pa participa den e apertura di e festival. Ademas, durante e siman di festival, hende cu cumpra buki di mucha pa un valor di 25 florin na e librerianan participante lo ricibi “Rashi Kurashi ta haya curashi” como regalo.
Cu e iniciativa aki, Biblioteca Nacional Aruba ta sigui promove lectura, creatividad y amor pa literatura entre e muchanan di Aruba.
Pa mas lesa TREMPAN.
