Diamars mainta Unit Narcotica di Cuerpo Policial Aruba a haci un entrada hudicial na un apartment na Hooiberg. Ey a detene un hende homber di inicial E.R.R.M di 44 aña naci na Republica Dominicana.
E accion tabata relaciona cu bendemento di droga. A confisca un cantidad grandi di droga, entre otro marihuana, cocaina y MDMA.
Cuerpo Policial Aruba ta recorda nos comunidad cu sa of a wak algo pa yama e tiplijn di polis na 11141. Bo ta keda anonimo.
