E no tabata un detencion facil. Alfonso “Fonso” Brown tabata arma y polis tabata busc’e pa delitonan cometi. Den Village ultimamente tin hopi problema y uzo di arma di candela. Hasta tiramento marduga cu dos herido.
Pakico ta busca Fonso atrobe no ta conoci ya cu Fonso recien a sali di KIA. E tabata sintando castigo tambe pa casonan serio unda hasta tabata tin tiramento. Recien el a sali y atrobe ta den posicion di arma di candela. A deten’e den St Maartenstraat y prome cu a domin’e mester a traha basta cu ne. Dimes den e proceso di detencion algun hende a bin mete y tabata necesario pa polis pidi refuerso y ademas mester a los tiro di advertencia pa manda un señal mesora. Na e sitio a haci un otro detencion di otro homber busca pa husticia.
E foto aki ta un foto real di e situacion na e sitio ora di detencion. E biaha aki cu e sospecho nobo y tambe posicion di arma di candela, hues lo baha pisa riba Fonso.
