Departamento di Obra Publico ta informa pueblo di Aruba en general y specialmente nos
automobilistanan cu ta haci uzo di e caminda di L. G. Smith Blvd cu dialuna dia 22 di januari 2018 lo bay cera e caminda principal pa haci trabounan di laba rooster (regenwaterafvoer).
Ta bay cera e caminda for di e crusada di L.G. Smith Blvd y Oranjestraat te cu e T-weg entre Bestuurskantoor y Renaissance Hotel (Arnold M Schuttestraat). Lo indica e ruta alternativa cu baricadanan y borchinan di aviso y e orario di ceramento lo ta di 10’or di
anochi pa 6’or di mainta. En conexion cu e trabounan menciona Departamento di Obra Publico ta pidi pa tene cuenta cu e inconveniencianan cu lo por surgi pa cual nos ta pidi nos disculpa.
