Diabierna mainta banda di 8or Polisnan y Bomberonan a wordo manda cu urgencia den direccion di Pastoor Hendrikstraat. A drenta informacion cu net panort di FTA su oficina pariba di e rotonde tin un bus na candela.
Ora cu e unidadnan a yega na e sitio a resulta cu e bus tabata full na candela. Bomberonan a bay den accion mesora pa bringa e candela. E bus tabata full na vlamnan grandi. A logra domina e candela pero no a resta nada mas di e bus. No tabata tin pasahero den e bus segun informacion. E chauffeur a purba domina e candela cu un aparato di paga candela pero esaki no a logra. Polisnan a sera e caminda na dos area pa evita trafico. E vlamnan grandi a afecta tambe e wayanan y un palo di luz. A yama Elmar pa presenta na e sitio.
