Awe diasabra pa 11:10am a ranca sali cu e parada grandi di San Nicolas cu 11 grupo y mas o menos 4000 participante. E cabes di e parada a yega dinal pa 4:01pm mientras cu e ultimo grupo a yega Joe Laveist Sport Park na 5:50pm.
A garantisa ordo publico cu no menos di 165 Polis riba pia. E aña aki a conta 15 detencion mientras cu aña pasa tabatin 16 detencion, di acuerdo cu Cuerpo Policial Aruba. Cu mas di 150 Polis riba caya, Cuerpo Policial a realisa diferente control di e.o. listramento preventivo y a atende cu mirones cu no por a comporta, cu tabaya stroba parada, cu tabata burachi di mas, a bringa of tabatin un arma ilegal den nan poder. Polis a avisa adelanta cu lo aplica “Faya Bo Haya” den temporada di carnaval, den cual ta detene Bo durante parada y por sali despues pagando un multa halto!
Pa algun aña caba ta aplicando e maneho aki y cu gran exito. No necesariamente e detencionnan ta baha, pero por lo menos publico ta mas consciente di e consecuencianan. Tin hende ta argumenta cu e mesun controlnan estricto aki ta e causa cu menos hende ta bayendo paradanan di carnaval. Di otro banda, menos publico ta traduci den menos problema. Probablemente e publico no ta problema, sino uzo excesivo di alcohol.
