Awe pa mas o menos 11or di mainta a sosode in accidente dilanti Marriott Surfclub ora cu un UTV a bay purba dal un U-turn riba e caminda grandi, sin tene cuenta cu trafico contrario. Un pick-up biniendo a purba desvia pero no a logra, cu consecuencia cu el a dal den e vehiculo. E chauffeur a sali na careda bandona e sitio lagando e pasahero herida atras.
Polis a presenta pa investiga e desgracia, mientras cu paramediconan riba Ambulance a brinda asistencia na e herido leve. Investigacion lo mester saca afo dicon e chauffeur a opta pa core bay despues di e accidente. Accidentenan cu UTV birando masta regular ultimo temponan.
