Yaris a dal den Agya poco p’abao di Elmar na Playa

Ningun persona a resulta herida den e accidente cu a sosode banda di 12’or di merdia na e luznan di trafico un poco pabou di ELMAR.

Segun por a compronde, un Toyota Yaris biniendo for di Dakota pa drenta Wilhelminastraat, a pasa e crusada sin tene cuenta cu trafico biniendo riba Adriaan Lacle Boulevard, bayendo direccion di ex La Fama. 

Consecuencia ta cu el a dal den porta banda di ocupante di e Toyota Agya. Afortunadamente e baby/mucha chikito den e auto tabata tin faha di siguridad bisti y el a sali ileso. Daño material ta minimo.