E entrega di Balon di Oro 2018, a wordo mancha pa e hurado. Esey ta loke tin di compronde di un medio denomina “Al-watman”, cu a señala cu Comores, un archipielago Africano, a wordo representa den e votacionnan di e miho futbolista di mundo pa un periodista cu no ta existi.
Abdou Boina, nomber ficticio di e comunicador deportivo den e votacionnan di e Balon di Oro 2018, ta un personahe inventa, ya cu no ta existi registro algun di su identidad den e luga.
Pa colmo, e medio pa cual e ta bisa cu e ta traha (albaladcomores.com) a cera seis aña pasa.
A causa demasiado strañesa cu e votacionnan pa e Balon di Oro 2018, lo a permiti tal barbaridad.
“Mi a halucina ora cu mi a mira cu Albalad Comores ta existi. E corant aki a cera seis aña asa y eynan nunca tabata tin un periodista yama Abdou Boina.
Nos tabata tin dos reportero deportivo den e caso aki, Abdoul Youssouf pa e edicion Frances y Sharif Ousseine pa e edicion na Arabier,” Toiminou Abdou a expresa, kende ta un di e periodistanan mas importante di Comores.
E deportistanan eligi pa e curioso personahe aki – sali for di e mundo imaginario – tabata Kylian Mbape, Luka Modric, Cristiano Ronaldo, Eden Hazard y Mo Salah.
E revuelo di e noticia a tuma asina tanto forsa cu hasta e presidente di e asociacion di periodista di Comores mester a bin p’adilanti.
“No tin registro di ningun Abdou Boina. Mi por compronde e fout di France Football si e periodista lo a pertenece na algun medio di comunicacion, pero no ta existi e persona ey,” Stephane Ahamadi a enfatisa.
Por lo pronto, FIFA no a duna splicacion contundente riba loke a sosode y a laga sa cu e fraude por a infiltra den e entrega di e premionan anual.
