Un video cu ta mustra dos persona ta frei riba e piramide di Cheops na Egipto, a causa un gran consternacion den e pais Africano, segun CNN.
E video di tres minuut ta mustra con e pareha ta subi e piramide y despues ta kita e paña parti ariba.
Khaled al-Anani, minister di antiguedad, tin e caso bao di un investigacion.
El a describi e video como violacion di e moral publico y a bisa cu e imagennan a wordo investiga pa e Fiscal General.
E imagennan a wordo subi riba YouTube diaranson pa e fotografo Danes, Andreas Hvid, kende ta conoci pa saca potret na momentonan mas destaca.
E video original a wordo desconecta pa Andreas Hvid.
Ta prohibi pa subi riba e piramidenan na Egipto.
