E gremionan a reuni cu parlamento pa asina trece dilanti nan puntonan di preocupacion riba BBO aan de grens. E reunion tabata presidi pa vice-presidente di Parlamento, Raymond Kamperveen y e tabata porta cera. Otro siman tin reunion cu parlamento riba BBO aan de grens y ta spera cu nan tuma e decision corecto p’esaki.
Herrick Henriquez, presidente di Aruba Trade & Industry Association (ATIA), a splica cu e reunion tabata no tabata publico. Esaki tabata un bon oportunidad p’e politiconan haci nan pregunta, e parlamentarionan haci pregunta. E gremionan a presenta nan preocupacion y e parti ey a bay bon. Nan ta spera cu parlamento, e organo halto di Aruba, tin di aproba un ley, cambia ley of haci algo cu esaki. Awo ta na e parlamentarionan vota y hacie bon.
Esey ta loke e gremionan ta boga y ta spera di parlamento. Cu nan haci nan huiswerk. Nan sa cu nan tin di haci pregunta otro siman, dia 15 di juni. Tabata importante p’e gremionan presenta na parlamento. Nan ta spera cu ta bay tin un reunion publico pa tur comerciante y pueblo di Aruba scucha tur recomendacion y preocupacion cu nan tin. Otro siman nan ta eynan un biaha mas y cu parlamento tuma e decision corecto p’e pais aki.
Hopi gremio a bati alarma cu esaki por ta un efecto devastador p’e economia. E presidente di ATIA a indica cu e hiperinflacion no ta esun corecto, pero e palabra corecto ta inflacion. Aruba ta importa inflacion. E inflacion aworaki ta na seis punto algo porciento. Pero si pone un invoerrechten of BBO aan de grens riba dje e ta bay subi. E prijsnan ta bay subi.
E limitacion den handelsgoederen den e ley tambe ta subi por ehempel costo di operacion, prijs di producto. Esey ta nan preocupacionnan. Na final como tur gremio, nan ta di acuerdo cu BTW lo ta e miho sistema pa Aruba. Pero no un BTW manera tabata proponi aña pasa. E gremionan ta di acuerdo pa bin c’un BTW al estilo proponi pa IMF, cu ta uno simpel, base amplio, un tarifa, tiki of ningun excepcion aden. E parti ey ta importante y esey ta loke e gremionan a presenta den parlamento.
Henriquez a indica cu no por introduci BBO aan de grens sin cambia invoerrechten, sino ta crea cu e prijsnan ta bira mas halto. Awo e gremionan a bin compronde cu e ley di invoerrechten ta na Raad van Advies pa un conseho. Nan ta spera cu si sigui cu ne, pa asina mes hacie hunto cu ley di invoerrechten. Por mira cu algun invoerrechten a baha, otro a subi pero a simplifica e ley di invoerrechten. E ta pidi pa nan hacie hunto manera e intencion tabata cu e ley di BTW cu invoerrechten stelsel mester ta adapta e tempo ey.
Ainda no a tende nada di reunion cu Minister di Finansa, Xiomara Maduro.
