Accidente basta pisa na e crusada peligroso na Sero Pita un biaha mas. A pidi presencia di tanto polis, brandweer como ambulance pa asina atende cu tanto e personanan cu a resulta herida como tambe e situacion di peliger den trafico debi na e azeta cu a basha riba caminda.
Esaki a tuma luga den careda di 5;00 pm y tabata entre un Hyundai H-1 y un pickup Nissan Frontier color shinishi. Segun por a compronde na e sitio e auto H1 a subi caminda sin duna preferencia.
Por a constata en berdad e victimanan a resulta herida y tabatin mester di asistencia, pa cual motibo a pidi ambulance na e sitio. E daño material tambe tabata considerabel, e tabata di tal indole cu e caminda a susha tur na azeta. A opta pa cera ambos banda di caminda pa evita cualkier desgracia adicional.
A transporta ambos pa herido pa hospital. Ta un crusada conoci pa tin accidente semanalmente, a yega ora pa sleeping police? Locual ta sigur, cu ambos auto a keda na werki.
Bombero a yuda pa benta santo riba caminda y kita e peliger ey pa despues trafico por a sigui normal bek.
