Recientemente a presenta e cerbesnan di Brouwerij Nacional Balashi (Balashi, Chill y Magic Mango) pa algun test haci door di e tan renombra Research Center Weihenstephan for Brewing and Food Quality (BLQ), un instituto central di Technical University of Munich na Alemania. Weihenstephan ta fungi como un conexion entre ciencia y practica cu e meta pa sostene e industria di cerbes y bebida y su proveedornan desde un perspectiva tecnico, di tecnologia y economico, haciendo uzo di e conocementonan cientifico actual y experiencia practico.
Brouwerij Nacional Balashi no ta afilia cu e universidad, pero mas bien boluntariamente a manda su tres cerbesnan pa test y evaluacion imparcial. Den e clasificacion di e cerbesnan a inclui un analisis exhaustivo di e componentenan cientificamente midi, manera e cualidadnan visual, aromatico y di sabor. Brouwerij Nacional Balashi tin motibo pa celebra, mirando cu cada un di e cerbesnan tabatin un bon puntuacion.
E puntuacionnan general (cu un puntuacion maximo di 100) tabata lo siguiente: Magic Mango, un cerbes tropical y artesanal di Aruba, a haya un 92, Brouwerij Nacional Balashi su cerbes original y exclusivo. Balashi, un “crisp golden pilsner” a ricibi un 95 y Chill, e cerbes refrescante di Aruba pa disfruta na lama, tabata riba tur otro cu un puntuacion casi perfecto consistiendo di 99 punto.
“Cheers” na nomber di Brouwerij Nacional Balashi pa demostra cu e cerbesnan di clase mundial di Aruba cu orguyosamente ta produci den aki na cas, den e fabrica situa na Balashi.
