Detayenan ainda no ta conoci pa nos, pero a drenta e noticia tristo cu awe mainta trempan, a haya Atan Lee morto na su cas. Un diasabra regular a conberti den momentonan di tristesa pa famia Lee.
Atan Lee di 74 aña di edad, ta casa y tin tres yiu homber. E ta activo ainda cu su señora den maneho di Peanuts Restaurant y ta un deboto fiel di misa Catolico. Regularmente e ta skirbi articulonan den prensa riba diferente topico y ta duna curso di protocol y etiket ainda, ora pidie.
Atan Lee a ocupa varios puesto importante den gobierno, manera ta hefe di protocol y tabata traha den Bureau Voorlichting.
Nos ta expresa palabranan di condolencia y ta desea famia Lee hopi forsa den e momentonan dificil aki. Cu Atan sosega na paz.
