Aruba Softball Bond ta contento di su relacionnan cu a crece ultimo añanan cu hopi pais den region basa riba un tremendo networking.
Dia 17 di Augustus ultimo campeonato di Aruba Softball a inicia unda un ekipo Los Propios mester a yega Aruba pa hunga un wega di fogeo. Carlos Araujo lider di e delegacion den nomber di un Diputado di Republica Dominicana encarga cu deporte a otorga un bunita gesto na Aruba Softball Bond di $1000 us dollar como fortalicimento di nos deporte di softball como un isla bisiña. Aruba Softball Bond ta contento cu gestonan asina sa tuma lugar pa crea mas aun e amistad y entercambionan cu pais nan grandi y desaroya den e deporte di Softball y Baseball awor cu ambos deporte ta cay bou di un solo dak esta WBSA ( World Baseball & Softball Confederation). Alabes tabata tin un reunion ameno unda Carlos Araujo lo prepara 2 selecion pa bini bek Aruba final di Juni 2019 pa cu Champ of the Champs cu ya caba a cuminsa ricibi inscripcion y tin como 6 ekipo internacional cu a confirma pa Juni 2019. Esaki ta muestra cu softball ta den pleno desaroyo. Aruba Softball Bond ta manda palabra di gratitud pa e bunita gesto aki.
