Pasa di 4.45 diadomingo marduga a pasa un accidente basta grandi na e crusada di Alhambra. Un Toyota Yaris biniendo for di direccion di Tamarijn Hotel y bayendo direccion Eagle Beach a topa cu un Suzuki Grand Vitara shinishi.
E chauffeur a sali dilanti di e auto Yaris. E impacto tabata basta fuerte y e manehador di e Yaris a keda herida. Ambulance a presenta y paramediconan a trata e manehador di e Yaris y despues a transporte pa hospital.
Polis di Noord a presenta pa asina tuma datos di e accidente. Takel wagen a wordo pidi pa asina por kita e autonan for di e caminda. Despues di e impacto e daño grandi a causa cu e autonan no por a sigui move mas.
