Dialuna awor dia 6 di November, lo sali rumbo pa Ecuador, Octavio Croes y Jose (Chelo) Pesqueira. Nan lo participa na un torneo panamericano amateur den e sección
Sub-2000 absoluto na Guano, Ecuador.
Nan dos, ta actualmente e hungadornan mas fuerte activo aki na Aruba. Y nan a gana e derecho aki, tambe door di acumula mas FAA-points durante e torneonan di federación cu a wordo organisa localmente.
Por sigui e weganan via internet na e site http://www.chess-results.com bow di federación selection ECU (Ecuador) y torneo Campeonato Panamericano Amateur.
E weganan nan mes lo start diamars dia 7 di November pa 4:30pm ora local.
E ultimo rond lo wordo hunga riba diadomingo 12 di November pa 9:00 di mainta.
Y nan lo regresa Aruba dialuna dia 13 di November.
E promer 3 lugarnan lo tin e derecho pa participa na e World Amateur Championship 2018 na Italia. Nan lo haja derecho riba alohamento y alimentación gratis.
E viahe aki a wordo haci posible, door di subsidio di Comision di Subsidio, cu a subsidia gran parti di e biahe aki.
