Miss Universe lo tuma luga otro siman diamars, 24 di november, na Puerto Rico, caminda Elizabeth Johnson ta representando Aruba. Nos reina di beyesa ta halando hopi atencion, y awor nos tambe por duna un man pa apoya su participacion.
Un parti di e certamen ta votamento online, y esaki ta un oportunidad pa tur hende cu ta carga Aruba den curason mustra nan sosten. Manera semper, ora ta trata di apoya nos talento, Aruba sa con uni!
Pa vota, click riba e link aki abou, download e app y sigui e instruccionnan pa vota pa Aruba:
Download e app y vota: https://mu.choicely.link/vote
24ora.com tambe lo ta presente na Puerto Rico pa cubri Miss Universe y sigui Elizabeth Johnson durante su participacion. Cu reportahe, entrevista y actualisacionnan, nos lo trece e experiencia mas cerca di nos publico.
E cobertura aki ta posibel danki na e apoyo di nos patrocinadonan: SETAR, Dufry, TRYP by Wyndham, St. Regis & Ritz Carlton Casino, OAK Restaurant, OPUS Restaurant, PICAHNA Restaurant, THE W of Aruba y Ash Restaurant. Masha danki pa contribui na e cobertura y pa yuda nos comparti e momento special aki cu Aruba.
Sea cu bo ta na Aruba of na exterior, bo tambe por forma parti di e apoyo pa Elizabeth den su trayectoria na Miss Universe.
Ban comparti e noticia aki cu famia y amigonan, y anima otro tambe pa vota. Ban laga nos reina sinti cu henter Aruba ta cu ne!