A descubri un cantidad grandi di cabes y rabo di pisca, hunto cu saconan di plastic, benta cant’i caminda den e area di Zwarte Mangel na San Nicolas, cerca di e grotnan y e ruta cu ta conduci direccion di lama. E descubrimento a tuma luga mientras cu trahadonan tabata realisando limpiesa den cercania. E situacion a causa indignacion p’e manera iresponsabel cu algun persona ta deshaci di desperdicio den naturalesa.
Segun observacionnan haci n’e sitio, e restonan ta pertenece na pisca dorao, conoci tambe como mahi-mahi. E tipo di saco di plastic ta crea sospecho cu e piscanan por ta importa for di Venezuela. Aparentemente, despues di saca e filetnan, e cabes y rabonan a keda benta den e area. Esaki ta e falta di responsabilidad di esunnan cu ta benta desperdicio den naturalesa. A enfatisa cu tin manera mas adecua pa deshaci di e restonan sin susha e area.
Bureau City Inspector ya ta na altura di e situacion, cu ta rekeri atencion pa retira e desperdicionan. E yamada ta bay na importadornan, procesadornan di pisca y personanan encarga di transporta desperdicio pa actua cu mas responsabilidad. E tipo di acto aki no solamente ta afecta imagen di San Nicolas, sino tambe ta representa un problema pa higiena y naturalesa.
Pa mas detaye lesa TREMPAN.
Facebook Live


