Home » All to Car cu RBC cla cu Ultra Event dia 28 di november

All to Car cu RBC cla cu Ultra Event dia 28 di november

by Lis

Cu bista riba un comienso exitoso pa aña 2027, All to Car hunto cu RBC a anuncia un evento grandi di benta y financiamento titula Ultra Event 2026. E actividad aki lo tuma luga diasabra awo, 28 di november, n’e localidad di All to Car riba L.G. Smith Boulevard, caminda bishitantenan lo tin e oportunidad di haya diferente modelo di vehiculo na prijsnan competitivo y cu condicionnan sumamente atractivo p’asina cera e aña of habri e siguiente den un auto nobo.

Un portfolio amplio: Electrico, Hybrid y Gasolin

Segun Renald Croes, encarga cu mercadeo y benta na All to Car, e preparacionnan ta den “full swing” pa presenta tur locual tin den nan showroom y tambe un seleccion grandi warda den warehouse. E portfolio di vehiculo ta sumamente amplio pa adapta na tur necesidad y presupuesto, ofreciendo tanto auto di gasolin como tecnologia moderno:

·     Auto 100% Electrico: E “hot item” di momento t’e modelo di e marca Dongfeng pa menos di 30.000 florin. E vehiculo aki ta espacioso, automatico, tin su touchscreen y ta elimina e gastonan di gasolin y cambio di azeta, brindando un spaarmento grandi y menos dolor di cabes cu mantencion.


Facebook Live

·     Plug-in Hybrid y Extended Range: P’esunnan cu ta core distancianan largo, manera taxista of compania di private tours, All to Car tin opcionnan cu un alcance (range) total di 1.300 kilometer te cu 1.500 pa 1.600 kilometer, permitiendo carga cada tres pa cinco dia.

·     Variedad di Modelo: Banda di esakinan, tin SUV, autonan 4×4, van pa pasahero, van di carga y vehiculonan mas luhoso na prijsnan mas accesibel riba mercado.

Aprobacion directo y ofertanan special

Durante e evento di diasabra 28 di november, e team di RBC lo ta presente for di mainta trempan hunto cu e personal di All to Car pa brinda aprobacion directo (pre-approval) cu interes abou y pago mensual atractivo. Ademas, tur compra lo bin compaña pa ofertanan special y paketenan di premio.

Pa haci e proceso mas lihe riba e dia di e evento — of hasta prome cu e fecha si ta desea di pasa delanta pa haci un test drive — ta recorda tur interesado pa trece e siguiente documentonan:

·     Un carta di trabou vigente.
·     Dos payslip (si ta cobra pa luna) of cuater payslip (si ta cobra pa kinsena).
·     Un identificacion (ID) valido.

Clausura

E combinacion entre e variedad extenso di All to Car y e facilidadnan financiero di RBC ta haci di e Ultra Event 2026 un oportunidad unico. E invitacion ta keda habri pa henter pueblo pasa diasabra 28 di november na All to Car, core e autonan, probecha di e descuentonan y sali cla pa ricibi aña 2027 na stuur di un auto nobo.

Bo por gusta tambe

Adblock Detected

Please support us by disabling your AdBlocker extension from your browsers for our website.