Durante un reunion cu directiva di Hospital di Aruba na september, AVP a expresa preocupacion tocante e deficit financiero di aproximadamente AWG 2.2 miyon cu hospital ta enfrenta desde 2024, equivalente na cerca di AWG 40.000 pa siman.
Parlamentario Jennifer Arends-Reyes a enfatisa cu e situacion financiero no por resulta den un deterioro di calidad di cuido medico pa e pueblo. AVP ta pidi un solucion sostenibel, basa riba un analisis financiero independiente, cu ta tuma na cuenta e costonan real di operacion.
Tambe a discuti e necesidad di actualisa e tarifanan cu AZV ta paga pa servicio medico y e posibilidad di crea un entidad independiente, similar na e Nederlandse Zorgautoriteit (NZa), pa evalua y determina tarifanan a base di criterio tecnico y multidisciplinario.
Pa AVP, ta esencial pa Gobierno, AZV y Hospital di Aruba yega na un acuerdo cu ta fortalece e sostenibilidad financiero di hospital, sin compromete e calidad y accesibilidad di cuido medico pa tur ciudadano.
Pa mas detaye lesa TREMPAN.