Accidente trempan na crusada di Palm Beach

Awe mainta trempan alrededor di 7:10am a sosode un accidente na e crusada di Palm Beach na Noord. Un persona a resulta herida den e accidente. Na e sitio a constata un Toyota Yaris color di oro y un nissan Rogue color preto.

Polis a cera e caminda pa por haci nan trabou, a tuma datos di e accidente. Chauffeur di e Nissan Rogue tabata biniendo for di pariba pa lora bay zuid pero no a duna preferencia na e Yaris biniendo for di direccion di Noord bayendo zuid. Consecuentemente e Nissan Rogue a dal den e Yaris.

Chauffeur di e Yaris a ricibi sla na nek y un mucha muhe sinta patras den e Nissan Rogue a dal su cara. Paramediconan di ambulance a atende ambos herido. Daño material ta considerabel.