Tugboat “Gracia” intercepta pa droga

Dialuna for di den oranan di madruga personal di Guardacosta di Aruba a intercepta e barco “Gracia” pariba di Aruba. Ta trata di un tugboat cu a sali for di Cartagena y ta nabega bou di bandera di Samoa.

A hala e tugboat aki aden pa cuminsa cu investigacion abordo, despues cu el a wordo intercepta. Dia 9 di october 3.05 di atardi el a sali for di Cartagena pa Aruba pero niun momento el a notifica autoridadnan di Aruba cu ta biniendo pa e isla aki. P’esey pa 2’or di madruga a intercepta esaki den bisindario di Seroe Colorado y un poco prome cu 5’or el a drenta na waf di Playa bou escolta di autoridadnan.

Buskeda grandi pa droga den Tugboat cu a bin di Cartagena

Buskeda grandi pa droga den Tugboat cu a bin di Cartagena.Click link pa mas https://24ora.news/2OLErV2

Posted by 24ora on Monday, October 14, 2019

Basa riba tip ricibi for di Colombia, tabata vigilando e tugboat aki pa su movecionnan straño. Mesora a pensa cu e barco aki ta carga cu droga.


Tur autoridadnan concerni, manera personal di Duana, di Guardacosta, militar, etc., tur ta abordo, mientras cu e personal a wordo poni bou di vigilancia. Henter e area unda e tugboat ta ancra y e personal ta wanta, a wordo isola cu heki.