Na diferente biaha hende ta accidenta n’e crusada di Emmastraat cu Prof Lorentzstraat. Un biaha mas esaki tabata e caso. Diaranson den careda di 10:00 pm a tuma luga un accidente na e crusada di Emmastraat cu Prof Lorentzstraat.
Esaki tabata entre un Kia Sportage color cora y un Toyota Yaris color blanco.
Den e accidente aki dos persona a haya sla na curpa. Polis di trafico a presenta na e sitio, unda cu di biaha nan a pidi asistencia di ambulance. Na yegada di ambulance, di biaha e paramediconan a cuminsa duna ambos persona herida asistencia medico.
Durante e accidente, e Toyota Yaris a dal contra un cura di cas y basha esaki abou. Mientras cu e personanan herida tabata ricibi asistencia medico, polis di trafico tabata tuma datonan di e accidente. Forensys tambe a presenta na e sitio pa tuma datonan di e sucedido y cuminsa cu e proseso di seguro.
