Pa algun siman caba cu masha atencion nos ta sigui un investigacion cu ta tumando luga relaciona cu abuso di menor. Aki ta trata di Jason Margarita como sospechoso. Jason Margarita pa 10 aña largo tabata e consehero di ex minister Otmar Oduber riba e area di comunicacion.
Mescos e ta awe pa otro minister den Gabinete Wever-Croes cu contratonan hunto cu ta core den 10 mil florin pa luna. Ademas di esey e tin tambe su pareha cu tin manera un gym pa damas cual tambe Jason Margarita ta parti di dje. Ta eynan mes el a conoce un menor di edad cual el a cuminsa basila pa logra su proposito cu a bira un acusacion sexual.
Pa placa entre otro el a logra convence e menor pa comete actonan inmoral. E mayornan di e menor a descubri e telefon di nan yiu ora cu a cuminsa sospecha cosnan straño. Aunke a purba deshaci di evidencianan, tog esaki no a logra full. Cu e pruebanan aki a logra hiba un keho na Jeugd en Zeden Politie cu a duna atencion na e caso aki tambe.
Asina a pasa e proceso di investigacion y tambe interogacion. Cu e informacion, pruebanan y evidencianan acumula a logra pone tur cos nechi riba papel. Cu tur cos bon documenta a sigui pa Ministerio Publico. Eynan fiscalnan a analisa tur cos y a dicidi cu ta duna autorizacion pa bay over na detencion. Esey ta loke a sosode y asina autoridad a pone man riba Jason Margarita.
Jeugd en Zeden Politie lo bay over na interoga sospechoso di Pedofiel Jason Margarita cu e pruebanan y evidencianan pero tambe declaracion di famia y victima menor di edad riba mesa. Asina por mira cu autoridad no ta para keto y ta investiga ora cu un denuncia ta real manera esun contra Jason Margarita.
