Diabierna den careda di 10:00PM a sosode un accidente riba e caminda di Seroe Teishi a sosode un accidente fuerte entre dos auto. E auto Nissan color preto, numera A-59473 a dal banda banda y bolter, lagando e chauffeur femenino herida.
E auto a ricibi basta daño y tabatin mas auto envolvi den e accidente aki. Diferente patruya a presenta na e sitio pa asina cera e caminda di Green Corridor. E auto tabata bin cu velocidad basta halto y a ricibi sla na tur banda.
E chauffeur a splica e agentenan cu un auto a cer’e y esey a ocasiona e accidente. E autoridadnan presente a cuminsa haci investigacion di loke a pasa. Tambe a pidi asistencia di takelwagen pa bay cu e auto y por habri e caminda bek. Ambulance tambe a presenta na e sitio pa atende cu e victima di e accidente. E paramediconan di ambulance a transpora e victima hospital p’e haya mas cuido medico.
