Diabierna anochi alrededor di 9:45 pm a sosode un accidente riba De La Sallestraat. Ta na momento cu chauffeur di un Chevrolet color cora numera A-49468 a dal tras di un Chevrolet color blanco, “nobis nobis” numera A-44905.
Na prome instante e chauffeur di Chevrolet color cora tabata comporta di un forma sospechoso. Pa cual a kere e ta bou di influencia di alcohol. Pa sigurisansa, a dicidi di haci un test di alcohol cu e chauffeur.
El a supla net n’e limite, pa cual no a detene. Tin cu subraya si cu den pasado polis a yeg’i atende cu ne caba riba su comportacion den trafico. Polis y personal di seguro a documenta e caso aki.
