Un rato pasa, pa mas o menos 6:30am, a sosode un caso di ladronicia na Playa, pa ta mas exacto, patras di ex hotel Central. Un homber a bay uza droga, piedra (crack) y tambe a bebe cu e adictonan eytras. Pero na momento cu e mester a paga, el a bisa nan: “Mi no tin placa”. Mesora nan a ranca su cadena y bril for di su curpa.
E homber, cu a sinti su mes victima na e momento ey, a yama Polis pa asistencia. A top’e sinta na altura di Lucky Numbers net dilanti ex-Galeria Moderna. E adictonan a conta Polis kico a pasa y cu nan no ta hende cu ta molestia, nan ta bende nan droga trankil sin molestia. Polis no por a haci mucho, na final a transporta e homber pa su cas y el a keda sin su pertenencianan.
E adictonan a bisa e homber flat: “Nos no kier wak Bo mas aki banda”.
