Awe pa 3:10am a sosode un accidente estilo “Hit & Run” riba e caminda principal di Boegoeroei na Noord, net na e crusada di Berloni. E auto marca Nissan, modelo Cube, color blanco, biniendo for di Noord bayendo zuid, na dado momento a topa cu un auto marca Mazda, modelo Axela, color shinishi, cu a sali for di e crusada sin paga tino cu auto ta bin for di Noord. Consecuentemente e Mazda a dal den e Nissan, pero e chauffeur di e Mazda a opta pa baha na awa.
Durante un buskeda pa e auto, despues di un rato a topa cune net banda di Femins Bar na Boegoeroei. E chauffeur femenino tabata mustra hopi burachi pasobra apenas e por a para ruba su pianan.
Riba dje, el a opta pa insulta e Polisnan, cu mesora a opta pa detene pa stuur auto burachi, pa causa accidente bandina e sitio y pa insulta un Polis den ehecucion di su funcion.
A transporta e chauffeur burachi aki pa Warda di Polis na Noord pa duna cuenta di su hazaña. E otro chauffeur femenino den e Nissan Cube a resulta herida y cu ambulance a transport’e pa hospital pa Un chekeo medico. Daño material ta
basta grandi.
