Diasabra anochi alrededor di 8:30 pm polis a presenta den e area di Funari y Pisina Olimpico Roly Bisslik na Savaneta pa kiebro den auto. Desconoci a kibra den diferente auto den e area. Cerca di Funari a kibra den por lo menos shete y bay cu cosnan di balor. Den e parkeerplaats di Pisina Olimpico tambe a kibra den auto di hende.
Tin un competencia tumando luga parti paden mientras cu parti pafo antisocial ta kibra glas y horta den auto. Polis a presenta p’asina documenta e caso aki.
E team forensico di polis tambe a presenta p’asina saca potret pa por contribui n’e proceso investigativo. Ta for di algun dia caba cu ta conoce un racha di kiebro di auto riba nos isla.
Tin un indicacion di ken e persona aki ta, ki auto e ta core y hasta unda e drumi, pues por spera cu den e dianan nos dilanti polis deten’e y 24ora.com lo ta presente pa pueblo mira ken e persona aki ta.
