Diasbra anochi alrededor di 8:30 pm polis a presenta na Well Well Bar & Restaurant na Sero Biento p’un control. Ta un team speacial di polis cu ta controla permiso di establecimiento na Aruba. Durante e control na Well Well, a constata cu no tin un permiso pa draai como bar ni restaurant.
Ta un permiso di Takeaway nan tin. Polis a cera e luga mesora. Tur persona a paga nan cuenta y e doño a pone candal na e heki dilanti y paga luz. Por spera mas movecion di e team special aki den e proximo ora, dia y siman nos dilanti.
