Diasabra anochi alrededor di 10:30 pm polis a presenta cu urgencia na Renaissance Marketplace p’un pelea grandi. Na yegada di polis, a topa cu varios hoben na careda. Ta for di hopi tempo caba cu tur fin di siman, polis tin cu atende cu e hobennan cu ta pasa henter anochi den e area di Wilhelmina Park.
A duna ordo pa tur hende bandona sitio. Hasta algun hoben a sconde den baño pa evita henter di ta envolvi den e pelea. Na final, a detene dos persona. No a sigui ordo di polis y ta sospecha cu nan tabata envolvi den e pelea. A transporta nan pa warda di polis pendiente investigacion.
